முல்லைத்தீவில் வீட்டு முற்றத்தில் விளையாடிக் கொண்டிருந்த சிறுவன் மலக்குழியிலிருந்து மீட்பு

முல்லைத்தீவு – மாங்குளம் கொலனி பகுதியில் வீட்டு முற்றத்தில் விளையாடிக் கொண்டிருந்த சிறுவன் திடீரென காணாமல் போயிருந்த நிலையில் மலக்குழியிலிருந்து சிறுவனின் சடலம் மீட்கப்பட்டிருக்கின்றது.

நேற்று மதியம் 1:00 மணியளவில் வீட்டு முற்றத்தில் விளையாடிக் கொண்டிருந்த யோகராஜா லெனுஜன்(வயது05) என்ற குறித்த சிறுவன் திடீரென காணாமல் போயுள்ளான்.
இதனையடுத்து, பெற்றோர் பல இடங்களில் தேடியும் சிறுவன் கிடைக்காத நிலையில் மாங்குளம் பொலிஸிலும் முறைப்பாடு கொடுத்திருக்கின்றனர்.
இந்நிலையில் சிறுவனின் வீட்டிற்கு அருகிலுள்ள வளவினுள் சென்ற அயலவர் ஒருவர் அங்கிருந்த கைவிடப்பட்ட மலசலகூட குழியினுள் சிறுவனின் உடலைக் கண்டுள்ளார்.
இதனையடுத்து விடயம் பொலிஸாருக்குத் தெரிவிக்கப்பட்டதையடுத்து சிறுவனின் உடல் மீட்கப்பட்டு கிளிநொச்சி பொது வைத்தியசாலை பிரேத அறைக்கு கொண்டு செல்லப்பட்டுள்ளது.
தற்போது சம்பவம் தொடர்பான விசாரணைகளை மாங்குளம் பொலிஸார் மேற்கொண்டு வருவதாக தெரிவிக்கப்படுகின்றது.