வவுனியா மரக்காரம்பளையில் இன்று அதிகாலை சடலம் ஒன்று மீட்கப்பட்டுள்ளது :

வவுனியா மரக்காரம்பளையில் இன்று அதிகாலை சடலம் ஒன்றை மீட்டுள்ளதாக காவற்துறையினர் தெரிவித்துள்ளனர். தாண்டிக்குளத்திலிருந்து புதுக்குளம் செல்லும் வீதியிலுள்ள மரகாரம்பளையிலே முச்சக்கர வண்டி ஒன்றிற்கு அருகில் இருந்தே குறித்த சடலம் வவுனியா காவற்துறையினரினால் மீட்கப்பட்டுள்ளது. 
  
இவ்வாறு சடலமாக மீட்கப்பட்டவர் தரணிகுளத்தை சேர்ந்த நான்கு பிள்ளைகளின் தந்தையான  42 வயதான சதாசிவன் குகானந்தன்  என அடையாளம் காணப்பட்டுள்ளார்.  
  
இவர் முச்சக்கர வண்டி சாரதியாக இருப்பதுடன் வவுனியா தரணிக்குளம் பகுதியில் வர்த்தக நிலையம் ஒன்றினையும் நடாத்தி வருகின்றதாக தெரிவிக்கப்படுகின்றது. 
  
இதேவேளை, இவரது ஆட்டோவின் முன் பகுதி சேதமடைந்து காணப்படுகின்றது. இதனால் இது கொலையாக இருக்கலாம் என சந்தேகிக்கப்படுவதாக காவற்துறையினர் தெரிவித்துள்ளனர். மேலதிக விசாரணைகள் மேற்கொண்டு வருவதாக அவர்கள் மேலும் தெரிவித்துள்ளனர்.