படகில் ஆஸி.செல்ல முயன்ற 26 பேர் கைது!

சட்டவிரோதமாக படகு மூலம் அவுஸ்திரேலியாவுக்கு செல்ல முயற்சித்த 26 பேர் சிலாபம் கடற்பரப்பில் வைத்து கைது செய்யப்பட்டுள்ளதாக இலங்கைக் கடற்படையினர் தெரிவித்துள்ளனர்.

மீன்பிடி படகொன்றில் சட்டவிரோதமாக பயணித்துக் கொண்டிருந்த போது நேற்று இவர்கள் கைது செய்யப்பட்டுள்ளனர்.

கைது செய்யப்பட்டுள்ள இந்தப் படகில் சிங்களவர்களும் தமிழர்களும் பயணம் செய்துள்ளதாகத் தெரிவிக்கப்படுகிறது.

இவர்களில் ஐந்து பெண்களும் ஏழு சிறுவர்களும் அடங்குகின்றனர்.

யாழ்ப்பாணம், மாரவில, நீர்கொழும்பு, சிலாபம், வவுனியா போன்ற பிரதேசங்களைச் சேர்ந்தவர்களே இவ்வாறு கைது செய்யப்பட்டுள்ளனர்.

கைது செய்யப்பட்டவர்கள் மோதர துறைமுகத்திற்கு அழைத்துவரப்பட்டு மேலதிக விசாரணைகளுக்காக குற்றப்புலனாய்வுப் பிரிவினரிடம் கடற்படையினரால் ஒப்படைக்கப்பட்டுள்ளனர்.