அவுஸ்திரேலியா செல்ல தயாரான போது 47 பேர் கடற்படையினரிடம் மாட்டிக்கொண்டனர்

சட்ட விரோதமான முறையில் படகுகள் மூலம் அவுஸ்திரேலியா செல்ல முயற்சித்த 47 பேர் இலங்கை கடற்படையினரால் இன்று செவ்வாய்க்கிழமை கைது செய்யப்பட்டுள்ளனர்.

சிலாபம் மற்றும் நீர்கொழும்பு பகுதிகளில் ´தமரா´, ´காலிங்க´  என்ற இரண்டு மீன்பிடி படகுகள் மூலம் அவுஸ்திரேலியா செல்ல தயாரான வேளையிலேயே இவர்கள் கைது செய்யப்பட்டுள்ளனர்.

இவ்வாறு கைதான  47 பேர்களில் 3 பெண்களும் 5 சிறுவர்களும் அடங்கலாக 33 தமிழர்களும் 9 சிங்களவர்களும் 5 முஸ்லிம்களும் இருந்தனர்.

கைது செய்யப்பட்டோர் யாழ்ப்பாணம், வவுனியா, நீர்கொழும்பு, முல்லைத்தீவு, புத்தளம், கிளிநொச்சி, வத்தளை, சிலாபம், மட்டக்களப்பு, கற்பிட்டி, மாவனெல்ல, மற்றும் கொழும்பு ஆகிய பகுதிகளைச் சேர்ந்தவர்கள் எனத் தெரிவிக்கப்பட்டுள்ளது.

இவர்கள் அனைவரும் மேலதிக விசாரணைகளுக்கென குற்றத்தடுப்புப் பிரிவினரிடம் ஒப்படைக்கப்பட்டுள்ளனர்.