வவுனியாவில் ஆட்டோ ஜீப் விபத்தில் 8 மாதக் குழந்தையும் இருபெண்களும் காயம்

வவுனியா மன்னார் வீதியில் குருமன்காட்டுச்சந்திக்கு அருகில் ஜீப் ரக வாகனமும் முச்சக்கரவண்டியும் மோதுண்டு விபத்துக்குள்ளானதில் மூவர் படுகாயமடைந்து வவுனியா வைத்தியசாலையில் விபத்துக்கள் பிரிவில் அனுமதிக்கப்பட்டுள்ளனர். வீடொன்றின் முன்னால் புறப்படத் தயாரான நிலையில் நிறுத்தி வைக்கப்பட்டிருந்த முச்சக்கரவண்டி மீது வவுனியாவிலிருந்து குருமன்காட்டுச்சந்தி நோக்கி வந்த ஜீப் ரக வாகனம் மோதுண்ட போதே முச்சக்கரவண்டியில் அமர்ந்திருந்த 8 மாதக் குழந்தையும் இரு பெண்களும் காயமடைந்துள்ளனர்.

நேற்று செவ்வாய்க்கிழமை மாலை 4 மணியளவில் இடம்பெற்ற இச்சம்பவத்தை அடுத்து அப்பகுதியில் குவிந்த பொது மக்கள் முச்சக்கரவண்டியினுள் சிக்குண்டிருந்தவர்களை மீட்டு வைத்தியசாலைக்கு அனுப்பிவைத்தனர்.

இதனையடுத்து ஜீப் சாரதி வவுனியா பொலிஸாரால் கைது செய்யப்பட்டுள்ளதுடன் மேலதிக விசாரணைகளையும் பொலிஸார் மேற்கொண்டு வருகின்றனர்.

Photos by :  Nelakshan.J