கிளிநொச்சியில் வாகன விபத்து: கணவனும் மனைவியும் அந்த இடத்திலேயே பலி!

கிளிநொச்சி,155ஆம் கட்டைப் பகுதியில் இடம்பெற்ற வாகன விபத்தில் கணவனும் மனைவியும் அந்த இடத்திலேயே உயிரிழந்துள்ளனர்.மற்றுமொருவர் படுகாயமடைந்துள்ளார். சம்பவம் இன்று காலை 8 மணிக்கு இடம்பெற்றுள்ளது. விசுவமடுவிலிருந்து வவுனியா நோக்கி சென்றுகொண்டிருந்த தனியார் பஸ்சுடன் நெடுங்கேணியிலிருந்து கிளிநொச்சி நோக்கி வந்துகொண்டிருந்த ஓட்டோ மோதியதில் இந்த விபத்து ஏற்பட்டுள்ளது.

இதில் ஓட்டோவில் இருந்து வந்த கணவனும் மனைவியும் அந்த இடத்திலேயே உயிரிழந்துள்ளனர். இருவரது சடலங்களும் கிளிநொச்சி பொது மருத்துவமனையில் ஒப்படைக்கப்பட்டுள்ளன. நெடுங்கேணியைச் சேர்ந்த விஸ்வலிங்கம் தெய்வேந்திரகுமார் (வயது 66), அவரது மனைவியான ஸ்ரீரதி (வயது 58) ஆகியோரே மரணமடைந்துள்ளனர். இதன்போது ஓட்டோ சாரதி படுகாயமடைந்து கிளிநொச்சி மருத்துவமனையில் சேர்க்கப்பட்டு,மேலதிய சிகிச்சைக்காக யாழ்.போதனாவைத்தியசாலைக்கு மாற்றப்பட்டுள்ளார். சம்பவம் தொடர்பில் கிளிநொச்சி பொலிஸார் விசாரணைகளை மேற்கொண்டு வருகின்றனர்.