சித்திரைப் புதுவருடத்தில் சிறைக்கைதிகளுக்கு விளையாட்டு நிகழ்வுகள்

வவுனியா சிறைச்சாலையில் உள்ள கைதிகளுக்கு இடையே விளையாட்டுப் போட்டிகள் நடாத்தப்பட்டு பரிசில்களும் வழங்கப்பட்டன.

தமிழ் சிங்கள -புதுவருடம் 14 ஆம் திகதி கொண்டாடப்பட்டது. புதுவருடத்தை முன்னிட்டு வவுனியா சிறைச்சாலையில் உள்ள கைதிகளுக்கு விளையாட்டு நிகழ்வுகள் நடத்தப்பட்டு பரிசில்களும் வழங்கப்பட்டன.

வவுனியா  சிறைச்சாலையில் உள்ள கைதிகளின் உளநலன்களை பேணும் இந்த நிகழ்வுகள் நடைபெற்றது.

இங்கு யானைக்கு கண்வைத்தல், முட்டி உடைத்தல், பணிஸ் சாப்பிடுதல் உள்ளிட்ட போட்டிகள் நடத்தப்பட்டன. இதன் போது வவுனியா அனுராதபுர பிரதேச சிறைச்சாலைகள் பொறுப்பதிகாரி உடுவர உள்ளிட்ட அதிகாரிகள் மற்றும் கைதிகளின் உறவினர்களும் கலந்து கொண்டனர்.