அச்சுறுத்தல்களுக்கு அடிபணியாது வவுனியாவில் உதயனை விற்கலாம்; வவுனியா நகர சபையில் ஏகமனதாக தீர்மானம்

வவுனியாவில் உதயன் பத்திரிகை முகவர் ஒருவரையும் விநியோகஸ்தர் ஒருவரையும் இனந்தெரியாத நபர்கள் தொலைபேசியில் மிரட்டியமை தொடர்பிலான சம்பவத்தை வன்மையாக கண்டிப்பதுடன் யாருடைய அச்சுறுத்தலுக்கும் அடிபணியாது தொடர்ந்தும் பத்திரிகையினை விற்பனை செய்யலாம் என இன்று இடம்பெற்ற வவுனியா நகரசபையின் மாதாந்தப் பொதுக் கூட்டத்தில் ஏகமனதாக தீர்மானம் நிறைவேற்றப்பட்டுள்ளது. 

வவுனியா பஸ் நிலையப்பகுதியில்உதயன் பத்திரிகை விற்பனை செய்யும் முகவர் ஒருவரையும் விநியோகஸ்தர் ஒருவரையும் இனந்தெரியாத நபர்கள் தொலைபேசி மூலம் மிரட்டியுள்ளனர். 

குறித்த விடயம் கவனத்திற்கு கொண்டுவரப்பட்டது. இன்று நடைபெற்ற மாதாந்தப் பொதுக் கூட்டத்தில் விசேட பிரேரணையினை சமர்ப்பித்து உரையாற்றிய தமிழ் தேசியக் கூட்டமைப்பின் வவுனியா நகர சபை உபதலைவர் குறித்த தீர்மானத்தை கொண்டுவந்ததுடன் சபையியில் ஏகமனதாகவும் ஏற்றுக்கொள்ளப்பட்டுள்ளது.