வவுனியா சாந்தசோலை சந்திக்கருகாமையில் விபத்து

இன்று அதிகாலை வவுனியா ஏ9 வீதியில் இடம்பெற்ற விபத்தில் மூவர் படுகாயமடைந்த நிலையில் வவுனியா பொது வைத்தியசாலையில் அனுமதிக்கப்பட்டுள்ளனர். இது தொடர்பாக மேலும் தெரியவருவதாவது, அம்பாறையில் இருந்து முல்லைத்தீவு நோக்கி சென்ற பேரூந்தும் ஓமந்தை பகுதியியல் இருந்து வவுனியா நோக்கி வந்த டிப்பர் வாகனமும் நேருக்கு நேர் மோதிக்கொண்டதில் இரு வாகனங்களின் சாரதிகள் உட்பட மூவர் காயமடைநதுள்ளனர். அதிகாலை 3 மணியளவில் ஏ9 வீதியின் சாந்தசோலை சந்தியிலேயே இந்த விபத்து இடம்பெற்றுள்ளது. மேலதிக விசாரணைகளை வவுனியா பொலிஸார் மேற்கொண்டு வருகின்றனர்.