வெள்ளத்தால் பாதிக்கப்பட்ட விவசாயிகளுக்கு உதவுங்கள்!
வவுனியா மாவட்டத்தில் கடந்த நாட்களில் சீரற்ற கால நிலையால் வெள்ளத்தால் பாதிப்படைந்தவர்களுக்கு நிவாரணம் வழங்குவதற்கு ஆவண செய்யுமாறு கோரி அனர்த்த முகாமைத்துவ அமைச்சின் செயலாளருக்கு கடிதம் அனுப்பி வைத்துள்ளதாக மாவட்ட விவசாய அமைப்பின் செயலாளர் வேலாயுதம் இராஜேந்திரன் தெரிவித்தார்.
வவுனியா மாவட்ட விவசாய அமைப்பு வர்த்தக கைத்தொழில் அமைச்சருமான ரிசாட் பதியுதீனிடம் வெள்ளத்தால் பாதிப்படைந்த விவசாயிகளின் நிலை குறித்தும் அதற்கான நிவாரணத்தை பெற்றுதருமாறும் விடுத்த கோரிக்கைக்கு இணங்கவே இக் கடிதம் அமைச்சரின் உத்தரவின் பேரில் அனர்த்த முகாமைத்துவ அமைச்சிற்கு அனுப்பி வைக்கப்பட்டுள்ளது.
இதேவேளை கடந்த கடந்த காலங்களில் ஏற்பட்ட வெள்ளத்தினால் நெற்செய்கை, சிறுதானியச் செய்கைகள் என்பன பாதிப்படைந்ததினால் விவசாயிகள் பெரிதும் பாதிக்கப்பட்டிருந்தனர்.
எனவே அவர்களுக்கு இதுவரை நிவாரணங்கள் எதுவும் வழங்கப்படாமையினால் வங்கிகளில் பெற்ற விவசாயக் கடன்களையும் மீளச் செலுத்த முடியாதளவிற்கு வவுனியா மாவட்ட விவசாயிகள் பெரும் கடன் சுமையை எதிர்கொண்டிருப்பதாகவும் மாவட்ட கமக்காரர் அமைப்பின் செயலாளர் வேலாயுதம் இராஜேந்திரன் மேலும் தெரிவித்துள்ளார்.
