வவுனியாவில் பற்றைக்காட்டில் தகாத செயற்பாடுகள்!

வவுனியா இராசேந்திரம் குளத்தின் வால்கட்டுப் பகுதியில் சிறிய பற்றைக்காடு ஒன்று அழிக்கப்படாமல் காணப்படுகின்றது. இந்த நிலையில் இந்தக் காட்டுப் பகுதிக்குள் பலர் தகாத முறையில் நடந்து கொள்வதாகவும் சமூகச் சீரழிவுகளும் இடம்பெற்று வருவதாகவும் பிரதேச வாசிகள் தெரிவித்துள்ளனர்.

இந்தக் குளத்தைப் புனரமைப்புச் செய்கின்ற போதும் இந்தக் காட்டுப் பகுதி அழிக்கப்படாமல் உள்ளதாகவும் மக்கள் தெரிவிக்கின்றனர்.

அத்துடன் குளத்தின் அணைக்கட்டு வேறு இடத்தில் இருந்து எடுத்து வரும் மண்ணைக் கொண்டு புனரமைக்கப்படுவதாகவும் அவ்வாறு செய்யாமல் குளத்தை ஆழமாக்கி விவசாயச் செய்கைகளை அதிகரிக்க நடவடிக்கை மேற்கொள்ளுமாறும் பிரதேச மக்கள் தெரிவித்துள்ளனர்.

வவுனியா, இராசேந்திரம்குளம் வால்கட்டுப்பகுதியில் உள்ள சிறிய பற்றைக்காடு அழிக்கப்படாமல் இருப்பதனால் அந்தப் பகுதியில் தகாத செயற்பாடுகள் நடைபெறுவதாகப் பிரதேசவாசிகள் தெரிவித்துள்ளனர்.