தாண்டிக்குளம் ரயில் பாதையிலிருந்து சடலம் மீட்பு

வவுனியா, தாண்டிக்குளம் பகுதி ரயில் பாதையிலிருந்து இளைஞர் ஒருவரின் சடலம்  நேற்று ஞாயிற்றுக்கிழமை மீட்கப்பட்டுள்ளது.  

தாண்டிக்குளம் பகுதி ரயில் பாதையில் ஒருவர் படுத்தவாறு இருப்பதை அவதானித்த ஓமந்தையிலிருந்து வவுனியா நோக்கி வந்துகொண்டிருந்த கடுகதி ரயிலின் சாரதி, ரயிலை நிறுத்தி வந்து பார்த்தபோது சடலம் காணப்பட்டது. 

பின்னர் இந்த சடலம்   மீட்கப்பட்டுள்ளது. 

இவர் கொலை செய்யப்பட்டிருக்கலாமென சந்தேகம் எழுந்துள்ளது. இந்நிலையில் இருவர் சந்தேகத்தின் பேரில் கைதுசெய்யப்பட்டுள்ளதாகவும் வவுனியா பொலிஸார் தெரிவித்தனர்.