வவுனியாவில் சமையல் எரிவாயு சிலிண்டர் வெடித்ததில் கணவன்-மனைவி படுகாயம்!

வவுனியா சமணங்குளப் பகுதியில் இன்று மதியம் உணவு சமைப்பதற்காக சமையல் எரிவாயு சிலிண்டரை இயக்கியவேளை, அது வெடித்ததில் இருவர் படுகாயமடைந்துள்ளனர்.

இச்சம்பவத்தில் கணவன், மனைவி ஆகிய இருவரும் எரியுண்ட நிலையில் வவுனியா வைத்தியசாலையில் அனுமதிக்கப்பட்டுள்ளதாக வவுனியா பொலிஸார் தெரிவித்துள்ளனர்.

சமணங்குளத்தைச் சேர்ந்த ஸ்ராலின் (வயது -50) என்பவரும் அவரது மனைவியுமே படுகாயமடைந்தவர்களாவர்.

இச்சம்பவம் தொடர்பான விசாரணைகளை பொலிஸார் மேற்கொண்டு வருகின்றர்.