வவுனியா நீதவானின் பணப்பையைத் திருடிய நபர்கள் கைது

கொழும்பு கோட்டை புகையிரத நிலையத்தில் வவுனியா நீதவான் ஒருவரின் பணப்பையினைக் கொள்ளையிடப்பட்ட சம்பவமொன்று இடம்பெற்றுள்ளது.

வவுனியாவிலிருந்து புகையிரதத்தில் வருகைதந்த வவுனியா நீதவான் எலக்ஸ் ராஜாவின் பணப்பையே இவ்வாறு கொள்ளையடிக்கப்பட்டுள்ளது.

நீதிசேவை ஆணைக்குழுவின் அழைப்பின் பேரில் கொழும்பில் நடைபெறும் கூட்டத்திற்கு வவுனியா நீதவான்  வருகை தந்தபோதே இச்சம்பவம் இடம்பெற்றுள்ளது.

எனினும், இக்கொள்ளைச் சம்பவத்துடன் தொடர்புடையவர்கள் என்ற சந்தேகத்தின் பேரில் மூவரை பொலிஸார் கைது செய்துள்ளனர்.

கைது செய்யப்பட்ட நபர்கள் இராணுவத்திலிருந்து தப்பியோடியவர்கள் என்று தெரிவித்த பொலிஸார், அவர்களை நீதிமன்றில் ஆஜர்படுத்த நடவடிக்கை எடுத்துள்ளதாகவும் குறிப்பிட்டனர்.