வேகமாக வந்த ரயில் மோதி வவுனியாவில் ஒருவர் சாவு

வவுனியா கொழும்பு ரயிலில் மோதுண்ட ஒருவர் சம்பவ இடத்திலேயே பரிதாபகரமாக உயிரிழந்தார். இச் சம்பவம் நேற்று வவுனியா ரயில் நிலையத்தில் நடைபெற்றது.

நேற்று மாலை 3.30 மணிக்கு வவுனியா கொழும்பு கடுகதி ரயில் வவுனியா புகையிரத நிலையத்திலிருந்து புறப்பட்ட வேளை ஓடு பாதையில் நின்று ரயிலில் ஏற முற்ப்பட்ட நபரே இவ்வாறு உயிரிழந்திருக்கின்றார்.

இவரது தோள் பகுதியில் முறிவு ஏற்பட்பட்டது. இதனாலேயே மரணம் ஏற்பட்டிருக்கலாம் என நம்பப்படுகின்றது. இறந்தவரது அடையாளத்தை நிரூபிக்கக்கூடிய ஆவணங்கள் எதுவும் அவரிடம் இருக்கவில்லை. சம்பவ இடத்திலிருந்து பிரஸ்தாப நபர்கொண்டுவந்திருந்த பயணப்பையும் ஒரு தொகைப்பணமும் பொலிஸாரினால் கைப்பற்றப்பட்டது. சம்பவம் தொடர்பான மேலதிக விசாரணைகளை வவுனியா போலிசார் மேற்கொண்டு வருகின்றனர்.