வவுனியாவில் சைக்கிள் திருடிய நபரொருவர் கைது

வவுனியாப் பகுதியில் இடம் பெற்ற சைக்கிள் திருட்டுகளுடன் தொடர்புடைய திருடன் ஒருவரை வவுனியா பொலிஸார் கைது செய்துள்ளனர்.

 

<கைது செய்யப்பட்டவரிடமிருந்து நான்கு சைக்கிள்கள் மீட்கப்பட்டுள்ளதாகவும் பொலிஸார் தெரிவித்துள்ளார்.

வவுனியா நகரப் பகுதியில் சந்தேகத்திற்கு இடமாக நடமாடிய குறித்த நபரை பொலிஸார் கைது செய்து விசாரித்துள்ளனர். இதனைத் தொடர்ந்து குறிப்பிட்ட சந்தேக நபர் சைக்கிள் திருட்டுக்களில் ஈடுபட்டதை ஒப்புக் கொண்டுள்ளார்.

இதனைத் தொடர்ந்து களவாடப்பட்ட நான்கு சைக்கிள்களையும் அவர் ஒப்படைத்துள்ளார். குறிப்பிட்ட சந்தேக நபர் வவுனியா இளம்மருதம் குளம் பகுதியைச் சோந்தவர் என தெரிவிக்கப்பட்டுள்ளது.

சந்தேக நபர் நீதிமன்றத்தில் ஆஐர் செய்யப்பட்டதைத் தொடர்ந்து விளக்க மறியலில் வைக்கப்பட்டுள்ளதாகவும் வவுனியா சிரேஷ்ட பொலிஸ் அத்தியட்சர் ஸ்ரீகுகநேசன் தெரிவித்துள்ளார்.

சந்தேக நபரிடம் இருந்து மீட்கப்பட்ட சைக்கிள்களின் இலக்கங்கள் விபரம் வருமாறு.

1) 69531413

2) 69285802

3)69354667

4)69562212

மேற்படி சைக்கிள்களின் உரிமையாளர்கள் வவுனியா பொலிஸாருடன் தொடர்பு கொண்டு உரிய ஆவணங்களைச் சமர்ப்பித்து சைக்கிள்களைப் பெறலாம் எனவும் பொலிஸார் தெரிவித்துள்ளனர்.

By:-yasi