வவுனியா நகர சபை ஊழியர்களின் பகிஷ்கரிப்பால் அன்றாட கடமைகள் பாதிப்பு

வவுனியா நகர சபை சிற்றூழியர்கள் ஆரம்பித்துள்ள பணிப்பகிஷ்கரிப்பால் நகர சபையின் அன்றாட செயற்பாடுகள் பாதிக்கப்பட்டுள்ளதாக தெரிவிக்கப்பட்டுள்ளது.பல கோரிக்கைகளை முன்வைத்து வவுனியா நகர சபை சிற்றூழியர்கள்02-07-2012 காலை தொடக்கம் பணிப்பகிஷ்கரிப்பில் ஈடுபட்டு வருகின்றனர்.

நியமனம் வழங்கி 10 வருடங்கள் கடந்தும் சேவை நிரந்தரமாக்கப்படாமை, நகர சபை நிர்வாக அதிகாரியின் செயற்பாடுகள் உள்ளிட்ட பல பிரச்சினைகளை முன்வைத்து சிற்றூழியர்கள் பகிஷ்கரிபை ஆரம்பித்துள்ளனர்.

தமது பிரச்சினைகளுக்கு உரிய தீர்வு வழங்கப்படும் வரை போராட்டத்தை கைவிடப் போவதில்லை என வவுனியா நகர சபை சிற்றூழியர்கள் அறிவித்துள்ளனர்.பணிப்பகிஷ்கரிப்பால் வவுனியா நகரில் குப்பை அகற்றல், டெங்கு ஒழிப்புத் திட்டம் உள்ளிட்ட அன்றாட கடமைகள் பெரிதும் பாதிக்கப்பட்டுள்ளதாக அங்கிருந்து வரும் தகவல்கள் தெரிவிக்கின்றன.இவர்கள் இரண்டு வாரங்களுக்கு முன்னார் ஆர்ப்பாட்டத்தில் ஈடுபட்டிருந்த போதிலும் அவர்களின் கோரிக்கைகளுக்கு உரிய தீர்வு கிடைக்கவில்லை எனவும் தெரிவிக்கப்பட்டுள்ளது.

By:-yasi