T20 உலக கிண்ணம் இலங்கை வெற்றி

T-20 உலக கிண்ண தொடரின் சூப்பர்-8 போட்டியின்  ஆட்டத்தில் இலங்கை அணி வெற்றி பெற்றது.சூப்பர்-8 போட்டியின்  ஆட்டத்தில் இலங்கையும், நியூசிலாந்தும் மோதின. இதில் நியூசிலாந்து நாணய சுழற்சியில் வெற்றி பெற்று துடுப்பாட்டத்தை தெரிவு செய்தது.அதன் படி முதலில் களமிறங்கிய நியூசிலாந்து அணி 20 ஓவர்களில் 7 விக்கெட் இழப்பிற்கு 174 ஓட்டங்கள் எடுத்தது.இதனையடுத்து 175 ஓட்டங்கள் எடுத்தால் வெற்றி என்ற இலக்குடன் களமிறங்கிய இலங்கை அணி 20 ஓவரில் 6 விக்கெட் இழப்பிற்கு 174 ஓட்டங்கள் எடுத்தது.இந்நிலையில், இரு அணிகளும் சம நிலையில் ஓட்டங்கள் எடுத்துள்ளதால் ஆட்டம் சமனில் முடிந்தது.இதனையடுத்து சூப்பர் ஓவர் மூலம் வெற்றி- தோல்வி நிர்ணயிக்கப்பட்டது. இதன் மூலம் களமிறங்கிய இலங்கை அணி 1 ஓவரில் 1 விக்கெட் இழப்பிற்கு 13 ஓட்டங்கள் எடுத்துள்ளது.இதன் பின்னர் 1 ஓவரில் 14 ஓட்டங்கள் என்ற வெற்றி இலக்குடன் களமிறங்கிய நியூசிலாந்து அணி 1 விக்கெட் இழப்பிற்கு 7 ஓட்டங்கள் எடுத்து தோல்வி அடைந்தது.இதன் மூலம் இலங்கை அணி வெற்றி பெற்றதாக அறிவிக்கப்பட்டது.