வவுனியா – யாழ் வீதியில் பஸ் விபத்து 50பேர் படுகாயம்

வவுனியா – யாழ் வீதியில் பஸ் விபத்து: 50பேர் படுகாயம் வவுனியா – யாழ் வீதியில், சாந்தசோலை சந்தியில் இடம்பெற்ற பஸ் விபத்தில் சிக்கி 50இற்கும் அதிகமானோர் படுகாயமடைந்த நிலையில் வவுனியா பொது வைத்தியசாலையில் அனுமதிக்கப்பட்டுள்ளனர். வவுனியாவில் இருந்து இன்று மாலை 4.30 மணியளவில் சுமார் 80 பேருடன் முல்லைத்தீவு நோக்கிப் பயணித்துக்கொண்டிருந்த பஸ் ஒன்றே இவ்வாறு விபத்துக்குள்ளாகியுள்ளது.அதிவேகமாகப் பயணித்துள்ள மேற்படி பஸ், முன்னால் சென்ற வாகனமொன்றை முந்திச்செல்ல முற்பட்டவேளையில், கட்டுப்பாட்டை இழந்து அருகில் இருந்த பாலமொன்றுடன் மோதி விபத்துக்குள்ளாகியுள்ளது என பொலிஸ் விசாரணைகளிலிருந்து தெரியவந்துள்ளது. இந்த விபத்தில் 50இற்கும் அதிகமானோர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளதுடன் இவ்விபத்து தொடர்பிலான விசாரணைகளை பொலிஸார் மேற்கொண்டு வருகின்றனர்.

By:-yasikanth