வவுனியாவில் கொள்ளைச் சம்பவங்களுடன் தொடர்புடைய சந்தேகநபர்கள் கைது

வவுனியா செட்டிக்குளம் பிரதேசத்தில் பல்வேறு கொள்ளைச் சம்பவங்களுடன் தொடர்புடையவர்கள் என்ற சந்தேகத்தின் பேரில் நான்கு பேரை பொலிஸார் கைது செய்துள்ளனர்.

வவுனியா, முல்லைத்தீவு போன்ற பிரதேசங்களில் இந்த சந்தேக நபர்கள் கொள்ளைச் சம்பவங்களில் ஈடுபட்டதாகவும் கைது செய்யப்பட்டவர்களில் ஒருவர் வவுனியா சிறைச்சாலையிலிருந்து தப்பிச் சென்றவர் எனவும் பொலிஸார் குறிப்பிட்டுள்ளனர்.

புத்தளம், கஹடகஸ்திகிலிய மற்றும் கிளிநொச்சி ஆகிய பிரதேசங்களைச் சேர்ந்தவர்களே இவ்வாறு கைது செய்யப்பட்டுள்ளனர் என பொலிஸார் தெரிவித்துள்ளனர்.

சந்தேக நபர்களிடம் நடத்திய விசாரணைகளின் மூலம் கொள்ளையிடப்பட்ட பொருட்களை மீட்கும் நடவடிக்கைகள் ஆரம்பிக்கப்பட்டுள்ளன.

By:-yasi