வவுனியாவில் வெடிபொருட்கள் மீட்பு

வவுனியா, கல்மடுப்பிரதேசத்தில்  வெள்ளிக்கிழமை காலை வவுனியா குற்றத்தடுப்புப்பிரிவினரால் ஆயுதங்கள் சில மீட்கப்பட்டுள்ளதாக பொலிஸார் தெரிவித்துள்ளனர்.

வவுனியா சிரேஷ்ட பொலிஸ் அத்தியட்சகருக்குக்கிடைத்த தகவலையடுத்து, குற்றத்தடுப்பு பொலிஸ் பிரிவினர் பொறுப்பதிகாரி எஸ். திஸாநாயக்கா தலைமையில் பொலிஸ் குழுவினர் புதைக்கப்ட்டிருந்த வெடிபொருட்களை மீட்டுள்ளனர்.

கைப்பற்றப்பட்ட ஆயுதங்களில் கிளைமோர் குண்டுகள் -18, செல்மோட்டார்- 1, டெட்டனேட்டர்கள் -5, வயரிங் ரியூப்புகள்- 4 ,மிதிவெடிகள் -3, பீஜிங் குண்டுகள்- 17, வயர்கள் என்பன அடங்குவதாக பொலிஸார் தெரிவித்துள்ளனர்.

கடந்த மாதமும் கல்மடு பிரதேசத்தில் புதைக்கப்பட்டிருந்த பல வெடிபொருட்கள் கண்டுபிடிக்கப்பட்டமை குறிப்பிடத்தக்கது.

By:-yasi